KEV NTHUAV DAV TXOJ KEV XIM XIAV NTAWM METRO

Tawm qauv kom tiav 60%

Lub khoos kas Blue Line Extension twb tau nthuav tawm cov phiaj xwm hais txog kev tawm qauv tshiab nyob rau lub caij nplooj ntoos zeeg xyoo 2025 lawm. Tam sim no tab tom nyob rau qib kev tawm qauv kom tiav 60%, cov phiaj xwm no muaj cov ntsiab lus uas hloov kho lawm rau:

• Cov kab khiav tsheb, cov kev taug ob sab ntug kev, thiab cov xyoob ntoo nroj tsuag uas cog kom txoj kev zoo nkauj
• Cov cai hais txog kev tsim kev puas tsuaj rau ib puag ncig kom tsawg tshaj plaws 
• Kev tawm qauv txog cov kev hla kev thiab cov kev sib tshuam  
• Lub moj khaum rau LRT
• Lwm yam ntsiab lus qhia ntxaws txog kev tawm qauv

Cov kab khiav tsheb, cov kev taug ob sab ntug kev, thiab cov xyoob ntoo nroj tsuag uas cog kom txoj kev zoo nkauj.

KEV TSO CAI NTAWM NROOG LOJ  

Hauv Minnesota, cov khoos kas kev thauj mus los uas loj xws li Kev Nthuav Daj Txoj Kev Xim Xiav Ntawm METRO tseev kom tau txais kev pom zoo los ntawm zos ntawm cov khoom xyaw nrog tus qauv tsim fab lub cev. Txoj cai lij choj (Minnesota Txoj Cai Twj Hwm Tshooj. 473.3994) tau dhau los ua kom ntseeg tau tias cov nroog thiab cov zej zog yog cov koom tes hauv cov khoos uas yuav cuam tshuam thiab muaj txiaj ntsig rau lawv cov neeg nyob nrog. 

Cov txheej txheem no hu ua "kev tso cai ntawm nroog loj."Nws ntsig txog rau txhua lub cheeb tsam nroog thiab lub nroog raws txoj kev uas tau tuav cov rooj sib hais rau pej xeem kom tau txais cov tswv yim los ntawm cov neeg nyob nrog tom qab ntawd pov npav xaiv tsa kom pom zoo cov phiaj xwm tsim qauv lub khoos kas xub thawj. Yog tias ib lub nroog tsis pov npav xaiv tsa kom pom zoo rau cov phiaj xwm tsim qauv, lawv yuav tsum piav qhia txog qhov hloov pauv ntawm kev tsim qauv lub cev ntawm qhov khoos kas yuav tsum tau ua rau lawv pom zoo. 

Lub caij ntuj sov xyoo 2024 no, cov nroog raws txoj kev yuav pib cov txheej txheem hu ua "kev tso cai ntawm nroog loj," uas yuav suav nrog kev tshuaj xyuas hauv zos thiab kev tawm tswv yim ntawm cov khoom tsim qauv lub cev. Ua tib zoo saib xyuas cov rooj sib tham hauv zej zog thiab cov rooj sib hais rau pej xeem ua tau teeb tsa hauv koj lub nroog. 

KEV TSHAJ XYUAS IB PUAG NCIG

Cov khoos kas kev thauj mus los loj xws li Kev Nthuav Dav Txoj Kev Xim Xiav yog tau npaj nqa cov txiaj ntsig loj los. Cov txiaj ntsig loj no tuaj yeem ua rau muaj kev cuam tshuam rau cov zej zog, kev lag luam, thiab ib puag ncig. 

Cov txheej txheem tshuaj xyuas ib puag ncig rau Kev Nthuav Dav Txoj Kev Xim Xiav Ntawm METRO yog tsoom fwv txoj cai tswj fwm los txheeb xyuas ib puag ncig, zej tsoom, thiab cov txiaj ntsig kev lag luam thiab kev cuam tshuam ntawm txoj lub khoos kas, thiab txoj hauv kev los zam, txo qis, los sis txo cov kev cuam tshuam uas tsis xav tau. 

Cov txheej txheem tshuaj xyuas ib puag ncig rau txoj kev tam sim no muaj ob ntu: 

Daim Qauv Tshaj Tawm Kev Cuam Tshuam Rau Ib Puag Ncig Ntxiv (Supplemental Draft Environmental Impact Statement, SDEIS) 

Daim Qauv Tshaj Tawm Kev Cuam Tshuam Rau Ib Puag Ncig Kawg Ntxiv (Supplemental Final Environmental Impact Statement, SFEIS) 

Thaum Lub Yim Hlis Ntuj Xyoo 2025, Tsoom Hwv Teb Chaws Feem Hauj Lwm Tswj Xyuas Kev Thauj Mus Los (Federal Transit Administration) tau tawm Cov Ntaub Ntawv Sau Tseg txog Kev Txiav Txim Siab Hloov Kho Tshiab, uas qhia tias tus txheej txheem kev tshuaj xyuas ib puag ncig ntawm tsoom fwv teb chaws yog ua tiav tag lawm. Qhov kauj ruam tseem ceeb uas ua tiav no tau qhib txoj kev rau kev tawm qauv thiab kev ua txoj kev raws li lub khoos kas lawm. Tsis tas li xwb, qhov kauj ruam tseem ceeb uas ua tiav no kuj tseem txhais tau tias yuav muaj kev muab cov phiaj xwm ntaus tswv yim tshiab los siv txhawm rau txhawb cov lag luam thiab cov niam txiv pej xeem mus thoob plaws kev ua txoj kev no thiab. Cov phiaj xwm ntaus tswv yim no yog muaj xws li no:

• Lub Khoos Kas Txhawb Pab Kev Lag Luam Txuas ntawm Blue Line Extension, uas dhau li ntawm lwm cov phiaj xwm ntaus tswv yim txhawb nqa lag luam lawm, ces tseem yuav muab $5 lab los pab cov lag luam uas tau txais kev cuam tshuam los ntawm kev ua txoj kev no kom tau coj mus them cov nqi xauj tsev los sis cov nyiaj qiv yuav tsev thaum lub sij hawm tab tom ua txoj kev.
• Pob Nyiaj Txiag Rau Kev Nqis Peev Hauv Zej Zog, uas yuav muab $5 lab rau cov chaw hauj lwm hauv zej zog los muab cov kev pab cuam thiab kev txhawb pab rau cov niam txiv pej xeem hauv zej zog uas tau txais kev cuam tshuam uas yog tsom mus rau kev ua kom muaj vaj tse nyob ruaj ntseg.

Hauv EIS muaj dab tsi?

Daim Ntawv Tshaj Tawm Txog Kev Cuam Tshuam Rau Ib Puag Ncig suav nrog kev kawm ntxaws thiab cov ntaub ntawv ntawm ntau yam txiaj ntsig thiab kev cuam tshuam ntawm lub khoos kas thaum lub sij hawm tsim kho thiab ua hauj lwm ntawm lub khoos kas, suav nrog: 

• Kev siv thaj av, thiab lub khoos kas haum nrog kev siv thaj av uas twb muaj lawm los sis npaj siv li cas 

• Kev cuam tshuam rau zej zog los sis cov zej zog nyob ib puag ncig lub khoos kas 

• Cov khoom muaj nuj nqis uas yuav tsum tau yuav thiab qhov chaw nyob nrog los sis cov lag luam uas tej zaum yuav raug rhais chaw 

• Cov kev xav tau fab kev lag luam, suav nrog kev nkag mus tau rau thaum tsim kho, rhais chaw, nyiaj tau los 

• Kev cuam tshuam tsis ncaj qha thiab sib sau ua ke ntawm lub khoos kas 

• Cov zej zog Txoj Kev Ncaj Ncees Rau Ib Puag Ncig (piv txwv li, cov zej zog ntawm cov xim, cov zej zog li nyiaj khwv tau los tsawg, cov zej zog xiam oob qhab thiab lwm yam.) 

• Cov khoom muaj nqis fab keeb kwm yav dhau los 

• Cov chaw ua si 

• Cov kev cuam tshuam fab kev saib pom 

• Kev nyab xeeb 

• Kev thauj mus los, suav nrog tsheb kauj vab, neeg taug kev, kev thauj mus los, tsheb loj, tsheb ciav hlau thauj khoom, thiab dav hlau 

• Cov peev txheej dej, suav nrog thaj av uas ntub dej, dej nyab, cua daj cua dub, dej hauv qab av, dej muaj txiaj ntsig zoo 

• Av thiab cov peev txheej txog tus qauv lub cev thiab yam khoom hauv ntiaj teb 

• Nroj tsuag thiab tsiaj txhu, suav nrog cov tsiaj uas raug hem thawj thiab yuav tu noob 

• Suab nrov thiab kev tshee co 

• Cov khoom siv uas tsis huv thiab cov khoom siv uas phom sij 

• Cov pa phem, kev tso cov pa nkev lub tsev iav thiab kev siv lub zog hluav taws xob 

Kev tshuaj xyuas ib puag ncig ntawm txoj kev dhau los

Hauv xyoo 2016, Daim Ntawv Tshaj Tawm Txog Kev Cuam Tshuam Rau Ib Puag Ncig Zaum Kawg (FEIS xyoo 2016) tau tshaj tawm, thiab Cov Ntaub Ntawv Kev Txiav Txim Siab uas tau muab los ntawm Kev Tswj Hwm Kev Thauj Khoom Ntawm Tsoom Fwv Teb Chaws rau thawj txoj hauv kev.Vim hais tias ntawm txoj kev hloov hauv xyoo 2022 (Qhov txuas mus rau daim ntawv tshaj tawm kev hloov kho txoj kev), FEIS xyoo 2016 tam sim no tau hloov kho los ntsuas qhov kev hloov kho tshiab los ntawm DEIS thiab FEIS Txuas Ntxiv. 

Saib cov ntaub ntawv ib puag ncig los ntawm txoj kev dhau los 

DAIM QAUV NTXIV EIS

Daim Qauv Tshaj Tawm Kev Cuam Tshuam Rau Ib Puag Ncig Ntxiv (Supplemental Draft Environmental Impact Statement, SDEIS) tab tom npaj los ntawm Pawg Sab Laj Ntawm Lub Nroog Loj thiab yuav muaj rau kev tshuaj xyuas thaum lub caij nplooj ntoos hlav/caij ntuj sov xyoo 2024. 

Nws yuav qhia meej txog cov txiaj ntsig thiab kev cuam tshuam ntawm lub khoos kas.Nws tseem yuav qhia txog txoj hauv kev uas muaj peev xwm zam, txo qis, los sis txo cov kev cuam tshuam uas tsis zoo.Thaum nws tau tshaj tawm, cov pej xeem thiab cov koom haum yuav muaj cov lus tawm tsv yim ntawm pej xeem li 45-hnub los tshuaj xyuas thiab tawm tswv yim.Cov lus xam pom uas tau txais yuav qhia rau cov kauj ruam tom ntej thiab kev cog lus kom zam, txo qis, thiab txo cov kev cuam tshuam uas tsis zoo. 

COV ROOJ SIB THAM THIAB COV KOOM TXOOS HAUV ZEJ ZOG 

Kev koom tes hauv zej zog 

Cov suab hauv zej zog yog ib feem tseem ceeb ntawm txoj kev txiav txim siab txog Kev Nthuav Dav Txoj Kev Xim Xiav, yog li ua kom koj lub tswv yim uas tau hnov ​​​​thiab pab qhia txog yav tom ntej ntawm Kev Nthuav Dav Txoj Kev Xim Xiav. 

Ib qho ntawm cov hauv paus ntsiab lus tseem ceeb ntawm lub khoos kas yog txav ntawm qhov ceev ntawm kev ntseeg siab.Peb yuav tsis txav mus los tom ntej kom txog thaum peb muaj kev txhawb nqa thiab muaj txiaj ntsig kev koom tes los ntawm zej zog.Peb txoj kev siv zog rau kev koom tes yuav tsum muaj zog, suav nrog, thiab hloov pauv kom ntseeg tau tias peb muaj kev sib koom ua ke uas muab txiaj ntsig zoo tshaj plaws rau lub zej zog.Peb cov hauv paub ntsiab lus hauv qhov khoos kas qhia txog qhov kev cog lus no rau pej xeem thiab peb tseem yuav muaj feem koom nrog cov zej zog uas muaj txiaj ntsig txuas ntxiv raws li qhov kev nqis tes ua thaum muaj kev nqes peev ib zaug hauv ib tiam neeg mus yav tom ntej. 
 
Ntxiv nrog rau cov rooj sib tham hauv pawg neeg tawm tswv yim, Pawg Sab Laj Hauv Nroog Loj muab lwm cov cib fim rau kev muaj feem xyuam ntawm pej xeem.

DREAM

DREAM pawg neeg tab tom koom tes nrog Cheeb Tsam Nroog Hennepin thiab Metropolitan Council los pab txhawb DREAM cov kev sib tham hauv Brooklyn Park, Crystal, Robbinsdale, thiab Minneapolis. Tus txheej txheem DREAM yuav nrhiav txoj hau kev los Develop Recommendations Empower Action and Mobilize (Kev Tsim Cov Lus Qhia Los Txhawb Lub Zog Loj rau Kev Nqis Tes Ua thiab Kev Nqua Hu Thov Dag Zog). Lub hom phiaj ntawm tus txheej txheem DREAM ces yog los tsim cov cuab yeej rau kev sib txuas lus thiab cov platforms los ua kom muaj kev paub ntau ntxiv thiab kev los muaj feem xyuam koom nrog Blue Line Extension.

PAB PAWG KOOM TES HAUV ZEJ ZOG 

Txij li xyoo 2020, Lub khoos kas Nthuav Dav Txoj Kev Xim Xiav METRO tau txuas ntxiv mus txog lawv cov neeg ua hauj lwm koom nrog pej xeem los ntawm kev cog lus ncaj qha nrog 17 pab pawg neeg hauv zej zog thiab kab lis kev cai.Cov neeg ua hauj lwm hauv lub khoos kas paub txog cov txiaj ntsig ntawm cov pab pawg txoj kev paub dhau los, kev txawj ntse, thiab cov pab pawg koom kev sib raug zoo uas ntseeg siab, tshwj xeeb tshaj yog nrog cov zej zog uas tau nyiaj los tsawg thiab cov zej zog ntawm cov xim hauv txoj kev taug.Cov pab pawg no kuj tau ua lub luag hauj lwm tseem ceeb nrog kev koom tes hauv zej zog thaum lub sij hawm nyuaj ntawm Tus Kab Mob COVID-19 thiab kev tsis sib haum xeeb ntawm pej xeem. 

Cheeb Tsam Nroog Hennepin, uas yog tus neeg koom tes tseem ceeb hauv lub khoos kas, tau cog lus nrog cov pab pawg no los ua kev koom tes ncaj qha nrog cov tswv yim uas tsim nyog xws li kev tuav cov rooj sib tham hauv zej zog thiab cov pab pawg sib tham, kev teeb tsa lub rooj ntawm cov koom txoos uas tshwm sim, khob ntawm qhov rooj, kev soj ntsuam, kev tshuaj xyuas kev txhais lus, cov vis dis aus, duab, cov koom txoos tshaj hauv Facebook, thiab kev thuav tawm txog kab lig kev cai.Kev txhawb nqa ntxiv suav nrog kev tawm tswv yim txog kev sib txuas lus hauv lub khoos kas, nthuav tawm qhov kev sib txuas lus hauv lub khoos kas rau ntau lub zej zog hauv kev sib tham hauv xov xwm, kev sau ntaub ntawv, thiab tshaj tawm cov lus tawm tswv yim hauv zej zog, koom nrog cov rooj sib tham txhua hli, thiab xa cov ntaub ntawv kawg thaum kawg ntawm txhua theem ntawm kev koom tes. 

Cov txiaj ntsig ncaj qha los ntawm cov tswv cuab hauv pawg neeg no suav nrog qhov kev sib sau ua ke txog txoj kev pib kev tawm tsam kev khiav tawm, kev tsim qauv thiab kev tsim vaj tsev, txheeb xyuas cov khoom siv hauv zej zog thiab kab lis kev cai, qhov sim nyog ntawm kev sib txuas lus thiab cov tswv yim, cov qauv 3-D uas tau tsim los ntawm cov tub ntxhais hluas uas xyaum ua hauj lwm, thiab cov npe teeb meem feem dav, kev txhawj xeeb, thiab cov cib fim ntawm zej zog. 

Saib cov tes dej num ntawm pawg pab pawg uas tshiab tshaj plaws 

Kev tiv thaiv kev khiav tawm thiab ntxiv cov txiaj ntsig zoo siab tshaj plaws rau zej zog 

Kev Nthuav Dav Txoj Kev Xim Xiav Ntawm METRO tsim cov cib fim uas zoo siab los txhawb lub zeem muag hauv zej zog rau kev nqis peev thiab kev txhim kho kev lag luam uas tuaj yeem pab cov neeg nyob nrog hauv thiab cov lag luam tsim kev nplua nuj thiab txhim kho lub neej kom zoo tuaj.Kev nqis peev hauv tus qauv tsim xub thawj uas tseem ceeb tau ua rau muaj kev txhawj xeeb txog kev hloov pauv ntawm cov neeg nyob nrog hauv thiab kev lag luam.Cov neeg koom tes hauv lub khoos kas hnov ​​​​cov kev txhawj xeeb no thiab ua rau lawv mob siab rau.Peb tau cog lus tias yuav ua hauj lwm ua ke nrog cov zej zog los tiv thaiv kev tsiv teb tsaws chaw thiab ua kom muaj txiaj ntsig ntau tshaj plaws uas lub npauv tsheb ciav hlau tuaj yeem coj los tau. 

Cov no yog cov teeb meem tseem ceeb thiab nyuaj uas yuav tsum muaj ntau tus neeg koom tes los nqis tes ua-ua ke uas ntseeg siab tau thiab nqis tes ua yam muaj tswv yim. Kev ua hauj lwm tam sim no tab tom txheeb xyuas cov peev txheej uas twb muaj lawm thiab cov cuab yeej uas tuaj yeem txhawb kev lag luam thiab cov neeg nyob nrog hauv niaj hnub no.Cov neeg muaj feem cuam tshuam thiab cov neeg koom tes yuav ua hauj lwm txuas ntxiv mus rau lub hlis tom ntej txhawm rau txheeb xyuas cov kev xav tau ntxiv thiab qhov tsis sib xws, siv cov tswv yim uas txhawb nqa kev tsim kho kom muaj vaj huam sib luag thiab kev tsim kev nplua nuj hauv zej zog, thiab daws cov teeb meem uas tuaj yeem ua rau muaj kev khiav tawm. 

Yog xav paub ntxiv txog qhov pib thiab txoj hauv kev tawm tswv yim, mus saib: https://yourblueline.org/anti-displacement

Pawg Thawj Saib Xyuas Lub Khoos Kas Kev Txhim Kho Kev Vam Meej rau Lub Zej Zog txhawm rau Tiv Thaiv Kev Tsiv Tawm

Pawg Tub Coj Xwm Saib Xyuas Lub Khoos Kas Kev Txhim Kho Kev Vam Meej rau Lub Zej Zog txhawm rau Tiv Thaiv Kev Tsiv Tawm (ACCP) uas yog lub zej zog ua tus ntaus thawj yog tau txais kev teeb tsa los ntawm Minnesota Legislature nrog rau muaj cov thawj coj los ntawm cov zej zog uas tau txais kev cuam tshuam txhawm rau tuav tswj tseg thiab txhim kho cov tsev nqi pheej yig, muab kev txhawb pab rau cov lag luam me, txhawb pab kev cob qhia thiab kev muab tso ua hauj lwm, txhim kho kev ua lag luam yam npoj ntws, thiab tsim txiaj ntsig rau cov niam txiv pej xeem thiab txoj kev xav ntawm lub zej zog uas nyob raws cov kev uas xaiv thiab cov kev qub yav dhau los ntawm txoj kev khiav tsheb BLE, uas yog ua raws li cov lus qhia los ntawm Pawg Neeg Ua Hauj Lwm Tiv Thaiv Kev Tsiv Tawm (ADWG). Pawg thawj saib xyuas ntawm ACPP yog muaj cov niam txiv pej xeem thiab cov tswv lag luam, cov neeg uas hom kheev raug kev tsiv tawm dua los lawm, thiab cov neeg los ntawm cov koom haum tsis vam paj ntsig thiab pab dawb thiab tsoom hwv hauv cheeb tsam cov chaw ua hauj lwm. Lub ACPP yog nyias muaj nyias los tawm Lub Khoos Kas Blue Line Extension thiab yog ib qho uas muaj ntxiv rau cov kev cai uas lub khoos kas no npaj los txhawm rau tiv thaiv kev tsiv tawm thiab tsim kom muaj kev vam meej rau lub zej zog.

Cov Neeg Cev Ncauj Cev Lus Rau Kev Tiv Tauj Sib Txuas Lus 

Tus Thawj Tswj Kev Muaj Feem Xyuam Rau Pej Xeem 

Nkongo Cigolo 
612-373-3825 
[email protected] 

Nkongo Cigolo (tawm suab hais tias NEN-kong-go SEEG-uh-lo) yog tus neeg cev ncauj cev lus rau Lub Khoos Kas LRT Txoj Kev Taug Nruab Nrab (Txoj Kev Xim Ntsuab METRO) thiab Lub Khoos Kas Kev Nthuav Dav Txoj Kev Xim Ntsuab Ntawm METRO.Nws hais Lus Swahili, Lus Fab Kis, ob hom lus ntawm Lus Bantu, thiab Lus As Kiv.Nws yog tus neeg kawm tiav ntawm Lub Tsev Kawm Yus Nis Vaws Xis This Minnesota. 

Brooklyn Park

Pa Nhue Vue
[email protected]
612-468-3333

Pa Nhue Vue (Nyeem tias PAJ NYIAG VWJ) uas yog yug thiab loj hlob hauv Wisconsin. Nws kawm tiav los ntawm University of Wisconsin-Madison thiab tau txais daim BS txog fab Rehabilitation Psychology nrog daim ntawv pov thawj kev kawm tiav fab Global Health. Pa Nhue mob siab rau kev ua hauj lwm pab cuam niam txiv zej tsoom thiab tau ua hauj lwm hauv AmeriCorps thiab tsis ntev los no yog ua rau Peace Corps nyob rau Thaib Teb tib si. Nws rov qab los ua hauj lwm rau Lub Khoos Kas Blue Line Extension Lub Chaw Ua Hauj Lwm tau ntau tshaj tsib lub xyoos lawm txog fab kev nthuav qhia thiab kev koom tes txog kev tawm tswv yim pab cov neeg xiam oob qhab thiab lwm lub khoos kas

Crystal and Robbinsdale 

Amáda Márquez Simula 
[email protected] 
612-373-3831 

Amáda Márquez Simula (Ah-MAH-thah MAR-kiss Sim-uh-lah) los ua hauj lwm rau pab pawg hauv Lub Khoos Kas Blue Line ua tus Neeg Dhia Dej Num Kev Nthuav Tawm Rau Lub Zej Zog. Nws muaj kev paub kev pom txog fab kev nthuav tawm hauv tsoom fwv hauv cheeb tsam thiab fab kev kawm tau ntau tshaj tsib xyoos lawm.

Minneapolis 

Kaja Vang
[email protected]
612-373-3918 

Ua ntej no Kaja Vang tau ua tus neeg cev ncauj cev lus rau kev koom tes hauv zej zog rau Three Rivers Park District thiab muaj kev paub dhau los hauv kev ua hauj lwm nrog cov hluas.Vang taukawm tiav ntawm St. Thomas uas kawm tiav fab kev tshawb fawb txog ib puag ncig. 

Cov kev thov ntawm tus neeg hais lus 

Txhawm rau thov tus neeg hais lus rau lub rooj sib tham hauv zej zog los sis lwm yam xwm txheej, thov tiv tauj rau: 

Nkongo Cigolo, Tus Thawj Tswj Kev Muaj Feem Xyuam Rau Pej Xeem 
[email protected] 

Cov kev thov cov ntaub ntawv 

Txheej Txheem Kev Nkag Mus Tau Rau Pawg Sab Laj Ntawm Nroog Loj piav qhia txog cov txheej txheem thov kev thov cov ntaub ntawm pej xeem, ntiag tug, los sis cov ntaub ntawv tsis pub lwm tus paub uas tau txais kev tswj xyuas los ntawm Pawg Sab Laj, suav nrog cov ntaub ntawv ntsig txog lub khoos kas Kev Nthuav Dav Txoj Kev Xim Xiav Ntawm METRO.Lub Koom Haum Uas Lav Ris ntawm lub khoos kas rau cov kev thov cov ntaub ntawv: [email protected] 

Nug xov xwm 

Cov koom haum xov xwm yuav tsum thov ncaj qha rau cov ntaub ntawv txhawm rau: 

Kyle Mianulli 
[email protected]  
612-280-9252